Geeth's Blog

මම, අපි බ්ලොග්කරුවන් !!  සිංහල හෝ ඉංග්‍රීසි හෝ වේවා බ්ලොග් ලියන්නනම් මාධ්‍යක් තියෙන්න ඕනි.  එනම්  බ්ලොග් ලිවීම සඳහා කුමනහෝ Platform එකක් අවශ්‍යයි. මේ අතරින් මම වැඩිපුරම සිංහල බ්ලොග්කරුවන් අතරේ Blogger, Wordpress, Wordpress Selfhosted දුටිමි. මීට අමතරව වෙනත් සේවාවන් භාවිතාකරන බ්ලොග්කරුවන්ද සිටී. දැනටමත් ‍බ්ලොග්කරුවන්ට, නව බ්ලොගයක් ආරම්භකිරීමට බලාපොරොත්තුවෙන් සිටින්නන්ට ඒ සඳහා පැහැදිලි මාර්ගෝපදේශණයක් සැපයීම, එයට වඩාත් සුදුසු මාධ්‍ය කුමක්ද යන්න අවබෝධයකරගැනීමට සහයවීම මෙම ලිපියෙහි අරමුණයි.

මෙම ලිපියෙහි ලොව වඩාත්ම ජනප්‍රිය Platforms වන ඉහත දැක්වූ Blogger, Wordpress හා Wordpress Selfhosted අතර සංසංදනයක්,  කිරීමට කැමැත්තෙමි.

මුලින්ම Blogger සේවාව ගැන කියනවනම්, මේක Google සමාගම මගින් නොමිලේ ලබාදෙන සේවාවක්. බ්ලොග්කරණය ආරම්භකිරීමට යන නවකයෙකුට එය ආරම්භකිරීමට සුදුසුම ස්ථානයක් යැයි කියන්න පුලුවන්.  මෙයින් සේවාව ආරම්භකිරීමට අවශ්‍යවන්නේ Gmail ගිණුමක් පමණයි. www.blogger.com වෙත පිවිස ඔබගේ GMail ගිණුමට අදාල පරිශීලික නාමය (User Name) හා මුරපදය (Password) ලබාදී පහසුවෙන් නව බ්ලොගයක් ආරම්භකිරීමට පුලුවන්. නවකයෙකුට වුනත් තේරුම්ගන්න පුලුවන් සරල අතුරුමුහුණතක් (Interface එකක්) Blogger වලට හිමියි. මේ පිළිබඳ සවිස්තරව සටහනක් පහතින් ඇතුලත්කරන්නම්.

WordPress ගැන කියනවානම් මෙය ආකාර 2කින් දකින්න පුලුවන් ඒ,

1. Wordpress.com හි Sub Domain එකක් මත www.yourName.wordpress.com ආකාරයට(www.wordpress.com)


2. Wordpress Blog Platform එක බාගතකරගෙන, තමාගේම වෙබ්ඉඩක ස්ථාපනය (Wordpress Selfhosted)

මේ කුමන ආකාරයට Wordpress Blog එකක් පටන්ගත්තත් සමාන අතුරුමුහුණතක් තමයි දක්නට තියෙන්නෙ ( Interface) Wordpress Selfhosted බ්ලොගයක් හා Wordpress.com බ්ලොගයක් අතර දකින්න තියන ප්‍රධානම වෙනස තමයි, Wordpress.com බ්ලොගයක ප්‍රධාන අවාසියක් තමයි Sidebar එකට JavaScript දාන්න බැරිවීම. මේනිසා ගැජට් භාවිතාකරන එක සීමාවෙලා තියනව. නමුත් තමාගේම වෙබ්ඉඩක ස්ථාපනය කරගත් (Wordpress Selfhosted) Blog එකක මේ කිසිම ප්‍රශ්ණයක් නෑ. මයි කාර්, මයි පැට්‍රල් ;)

මේ සියල්ල පහත පරිදි සටහනකින් දක්වන්නම්,

Blogger හා Wordpress

	blogger.com	Wordpress.com	Wordpress SelfHosted
ස්ථාපනය	සාමාන්‍යයෙන් වි.5කින් පමණ සියල්ල අවසන්	බ්ලොගර් වගේමයි,වි.5කින් පමණ සියල්ල අවසන්	Blog Platform එක බාගතකිරීමට හා එය Host එකට Upload කිරීමට යම් කාලයක් ගතවේ. මෙය ඔබ‍ගේ අන්තර්ජාල සම්බන්ධතාව අනුව තීරනය වේ‍‍. Database එකක් සෑදීමට සිදුවේ. ස්ථාපනය කරන ආකාරය ඇති ලින්ක් එකක් මේ ලිපිය අවසානයේ ඇතුලත් කරන්නම්
ඩොමේනය (Domain)	නොමිලේ ලැබෙන YourName.blogspot.com ආකාරයේ Sub Domain එකක්.	නොමිලේ ලැබෙන YourName.wordpress.com ආකාරයේ Sub Domain එකක්.	අවශ්‍ය ඩොමේනය තමාටම තෝරාගන්න පුලුවන්. ඔබ එයට මුදල් ගෙවිය යුතු නිසා
වෙබ් ඉඩ (Hosting)	1GB නොමිලේ ඒක් පිටුවක File Size එක 1MB පමණයි	3GB නොමිලේ	අවැසිතරම් ‍තෝරාගන්න පුලුවන්‍. ඔබ එයට මුදල් ගෙවිය යුතු නිසා
ගැජට්	Bloggeer හි අඩංගු සීමිත ප්‍රමානයට අමතරව අවශ්‍යනම් HTML හෝ JavaScript ආකාරයේ ගැජට් දැමිම හැක.	නොහැක.	අවැසිතරම්, අවශ්‍ය ආකාරයෙන්, මීට ‍නොදෙවෙනි පහසුකම් Plugins මගින් ලබාගත හැක.
අතුරුමුහුණත	ඉතාමත් සරල ලෙස නිර්මානය කර ඇත. නවකයෙකුට උවද භාවිතා කල හැක	තරමක් සංකීර්ණ, පහසුකම් වැඩි අතුරුමුහුණතකි‍	Wordpress.com හි අතුරුමුහුණතම  තවත් විශේෂාංග ඇතුලත්කර වැඩිදියුණු කර ඇත.
ප්ලගින සදහා සහය	නැත	නැත	සහය දක්වයි. දහස්ගනනක් ප්ලගින අතුරින් අවශ්‍යම ප්ලගිනයක් තෝරාගත හැක.
තේමා (Templates/Themes)	Bloggeer හි අඩංගු සීමිත ප්‍රමානයට අමතරව xml ආකාරයේ තනි File එකක් ලෙස පැමිනෙන තේමා සොයාගත හැක	ලබා‍දෙන අලංතාර/ඕනැමතැනකට සුදුසු තේමා පමනි	දහස්ගනන් තේමා ඇත. php ආකාරයෙන් Files කිහිපයකින් පැමිනේ
තේමා සංස්කරණය	HTML මගින් ලෙහෙසියෙන් කල හැක	සීමා සහිතයි	PHP දැනුව ඇතිනම් අවශ්‍ය ආකාරයට සංස්කරනය කල හැක.
ස්ථාවරත්වය	ගුගල් සර්වර් මත ති‍බෙන නිසා බොහෝවිට ස්ථාවරයි	බොහෝවිට ස්ථාවරයි	ඔබ මිලදීගත් හොස්ටින් ගිණුමේ ස්ථාවරත්වය මත තීරනය වේ.
පිරිවැය	සම්පූර්නයෙන් නොමිලේ	සම්පූර්නයෙන් නොමිලේ	ඔබේ හොස්ට් එකට හා ඩොමේනයට යන පිරිවැය දැරිය යුතුය
කතුවරුන් හා පරිපාලකයින්	කිහිපදෙනෙකු	කිහිපදෙනෙකු	කිහිපදෙනෙකු
ලිපි ආරක්ෂාව	නැත	ඔබට ආරකෂාකිරීමට ලිපියක් ඇත්නම් එම ලිපියකට අවශ්‍යනම් මුරපද යෙදිය හැක	ඔබට ආරකෂාකිරීමට ලිපියක් ඇත්නම් එම ලිපියකට අවශ්‍යනම් මුරපද යෙදිය හැක
කමෙන්ට්ස්	ස්පෑම් ‍වැලැක්වීම් පහසුකම	ස්පෑම් ‍වැලැක්වීම් පහසුකම, සංස්කරනය, IP Tracking	පෙර ඒවාද, spam protection හා බොහෝ පහසුකම් ප්ලගින මගින් ලබාගත හැක.
මගෙන් ලකුනූ (100න්)	35‍%	15%	50%

ඉහත සටහනින් විස්තර කලේ සුලු කොටසක් පමණයි.. මම හිතනව මේ ටික මෙම Blogger හා Wordpress ගැන අවබෝධයක් ලබාගන්න ප්‍රමානවත් වේවි කියල

අමතර පහසුකම් කිහිපයක්

Blogger හි සිට WordPress වෙත

මම කලින් ලීව ලිපියක සවිස්තරව ඉදිරිපත් කලා කොහොමද Blogger Blog එකක් සාර්ථකව සම්පූර්ණයෙන්ම Wordpress Self hosted බ්ලොග් එකක් වෙත ගෙනඑන්නෙ කියල. ඒ ලිපිය මෙතන ක්ලික් කරල බලන්න පුලුවන්.

Blogger හා Wordperss.com තමා‍ගේම ඩොමේනයක (Custom Domain)

ඇයි බැරි.. කරන්න පුලුවන් මේ ගැනත් මම ලීව ලිපියක අඩංගු වුනා ඒ ලිපිය මේ සබැඳුම ක්ලික් කරල බලන්න පුලුවන්.

වටිනා WordPress Plugins කිහිපයක් හා Plugins WP හි ස්ථාපනය කරන ක්‍රම (6)

ආශ්‍රිත ලිපි.

• http://pulsed.blogspot.com/2007/07/blogger-wordpress-chart.html


• http://blog.indranama.com/2009/10/blogger-vs-wordpress-comparison/